Todas e todos somos capaces

No día de hoxe, tivemos a sorte de participar nun obradoiro de sensibilización sobre a diversidade e discapacidade da man de COGAMI. 

Isto permitiunos aprender un pouquiño máis sobre as diferentes condicións de discapacidade, pero destacando sempre as capacidades e posibilidades de todas as persoas. Ademais, tivemos a oportunidade de coñecer e familiarizarnos con elementos accesibles que facilitan a vida cotiá destas persoas: lingua de signos para comunicarnos, balóns con son para persoas que non escoitan, contos en braille e bastóns para persoas que non poden ver...

Aprendimos moitísimo!

Facede click na imaxe para ver as fotografías do obradoiro. 

2 de abril: Día Mundial de Concienciación do Autismo

Hoxe, día 2 de abril, aprendimos un pouquiño máis sobre o autismo.

Comezamos vendo un vídeo explicativo e coloreamos o símbolo do infinito utilizando as cores do arco da vella. Despois, agrupamos estes símbolos de dous en dous para crear flores e concienciarnos sobre a importancia de respectar e valorar a diversidade.

"INFINITAS FLORES DIFERENTES FAN UN RAMO,

INFINITAS PERSOAS DIFERENTES FAN UN GRAN EQUIPO!"

VISITA AO PARQUE DE BOMBEIROS

Hoxe visitamos o Parque de Bombeiros de Betanzos. Queredes saber todo o que fixemos e aprendimos?

- Vimos e probamos os traxes empregados para apagar incendios.

- Visitamos a cociña, o ximnasio, os dormitorios e a clase na que estudan.

- Coñecimos os materiais necesarios para salvar vidas e apagar incendios, e subimos a un dos camións!

Pero sen dúbida, o momento máis esperado pola meirande parte dos nenos e das nenas foi o de usar as mangueiras para botar auga. Foi moi divertido!

Para comprobalo, facede click na imaxe e mirade as caras de emoción!

Rosalía de Castro

O pasado 23 de febreiro celebramos o Día de Rosalía de Castro recitando o seu poema 

"CANTARTE HEI, GALICIA".

Se queres ver o ben que fixemos, fai click na imaxe.

As mulleres da nosa vida

Hoxe conmemoramos o Día Internacional da Muller 💜

O alumnado seleccionou unha muller importante da súa vida e fixeron un retrato do seu rostro no símbolo da muller, escribindo tamén o seu nome. Despois, utilizamos todos os símbolos para imitar as pólas dunha árbore, empregando a cor morada e en colaboración cos compañeiros e compañeiras de 2º de Educación Primaria. A que quedou preciosa?

Animais imaxinarios

Hoxe, aproveitando que estamos a traballar os animais en Ciencias da Natureza, fixemos unha actividade moi divertida: creamos animais imaxinarios. Foi unha actividade completamente libre, na que tiñamos que botar man da nosa imaxinación, pero cun elemento común: todos eles tiñan que ter as características apropiadas para sobrevivir nun deserto. Despois, explicamos como era o noso animal aos demais compañeiros e compañeiras.

BUUUM!

Que divertido é aprender xogando!

Encántanos facer cousas novas, así que decidimos cambiar o ditado de palabras tradicional por un DITADO EXPLOSIVO. Deste xeito, os nenos e nenas participan activamente ao ter que explotar diferentes globos para obter un papeliño cunha palabra que, posteriormente, teñen que escribir nas súas libretas. 

Nesta ocasión, practicamos as letras C/QU e G/GU.