SAMAÍN

Que ganas tiñamos de que chegara o Samaín! 

👻💀🎃

Queredes ver todo o que fixemos?

XOGAMOS AO BINGO, AO MEMORY, AO DOMINÓ...

FIXEMOS MANUALIDADES

ENSINAMOS AS CABAZAS QUE FIXEMOS NA CASA

DESFILAMOS COS NOSOS DISFRACES

PASÁMOLO XENIAL!

O SENTIDO DO OLFACTO

Para traballar o sentido do olfacto, cheiramos diferentes olores para averiguar a que correspondía cada un deles. Poderiamos dicir que somos especialistas en adiviñar olores 👃

O SENTIDO DO GUSTO

Continuamos traballando os sentidos, centrándonos hoxe no sentido do gusto. Coa lingua podemos saborear os alimentos e saber, por un lado, se un alimento é doce, salgado, agre, amargo ou umami; e polo outro, se nos gusta ou non un alimento.

SADABONA

Hoxe coñecimos o significado de SAWABONA, a palabra que inspira o proxecto do cole deste curso: SADABONA.

Lecturitas invitounos a ir hoxe á biblioteca para escoitar o conto de "Sawabona", que significa:

VALÓROTE, RESPÉCTOTE, ES IMPORTANTE PARA MIN

Que importante é respetar, valorar e dicirlle a unha persoa o importante que é para nós, verdade?

O SENTIDO DO OÍDO

👂Para traballar o sentido do oído, escoitamos unha serie de sons. Despois, debatimos sobre que sons son agradables ou desagradables, respectando todas as opinións, xa que, o que para unha persoa resulta agradable, pode ser desagradable para outra.

O sentido do oído tamén nos permite escoitar música, para así poder bailar ♫

O SENTIDO DO TACTO

Que importante é o sentido do tacto! Grazas á pel sabemos se unha textura é suave ou áspera, lisa ou rugosa, branda ou dura... 

Para comprobalo, cos ollos pechados, metimos as mans👐nun sobre para tocar as diferentes texturas e pegalas no lugar correspondente.

O SENTIDO DA VISTA

Comezamos traballando o sentido da vista 👀 poñendo en funcionamento os nosos ollos para atopar as sete diferenzas e para resolver un puzzle do outono.

Relacionado con isto, comentamos que hai persoas que utilizan gafas para ver mellor, outras que non as utilizan e outras que non ven. Mirade que bonitos quedaron os nosos nomes en braille!

UN POUCO DE XEOMETRÍA

O cadrado, o triángulo, o rectángulo e o círculo son figuras xeométricas que vemos a diario na nosa contorna: os sinais de tráfico, o taboleiro do parchís, un espertador, o sol... son obxectos que teñen algunhas desas formas.

Para coñecelas contamos coa axuda do can Chocolo, que conseguiu que bailaramos con este vídeo: https://www.youtube.com/watch?v=qXwaoP2PTTg

Unha vez familiarizados coas esas catro formas xeométricas, coloreamos distintos animais.

AS VOGAIS

Somos expertos e expertas nas vogais!