BO VERÁN!

Hoxe despedimos o curso por todo o alto! Queredes probas? Pois facede click no vídeo para ver o ben que o pasamos.

Hoxe comezan as vacacións de verán. Unhas vacacións moi merecidas, xa que traballamos e esforzámonos moito durante todo o curso. Unhas vacacións para desfrutar, descansar e recargar pilas, que tamén é moi necesario. 

Son dous meses que pasan voando, pero por se nalgún momento non sabemos que facer, podemos recordar todo o aprendido durante o curso para divertirnos:

- Podemos observar o ceo para ver as estrelas, pois temos dominado o espazo.

- Podemos recoller cunchas na praia e contar cantas temos, pois xa sabemos sumar e restar.

- Podemos pagar no supermercado e nas tendas, pois xa sabemos manexar perfectamente os euros e os céntimos.

- Podemos axudar aos adultos a facer a lista da compra ou facer un diario explicando os plans tan divertidos que fagamos, pois xa sabemos escribir.

- Podemos coller os nosos contos favoritos e ler os textos, analizar os debuxos, inventar historias... pois somos especialistas lendo e imaxinando.

- Podemos cociñar receitas deliciosas, pois somos chefs profesionais.

- Podemos soplar pompiñas de xabón, correr pola praia, cantar e bailar as nosas cancións favoritas, xogar cos xogos de mesa...

Fagamos o que fagamos, temos que facelo sempre desde o corazón.

"Grazas por emocionarme e ensinarme, unha vez máis, o bonita e gratificante que é esta profesión. Sodes moi especiais. Sempre teredes un oco no meu corazón. Quérovos!" (a vosa titora, Sara).

A toda máquina!

Aproveitando que estamos traballando as máquinas en Ciencias da Natureza, decidimos convertirnos en inventores de máquinas. Como vedes nas fotos hai unha ampla variedade de invencións: unha lavadora-zumeiro que lava roupa ao tempo que fai zumes, un cinto que permite viaxar no tempo, unha ducha que bota chuches en vez de auga, unha fotocopiadora de xeados… e moitas máis! Canta imaxinación! 

Robot, robot...

Hoxe utilizamos o Tale-BOT PRO para traballar dunha forma máis divertida. Ao longo do curso o empregamos para repasar as letras, a lectura de palabras... e hoxe para traballar as sílabas trabadas.

VISITA Á CASA DO QUEIXO

Hoxe visitamos a Casa do Queixo de Grixalba.

A primeira actividade que fixemos foi cociñar a nosa propia comida. Tivemos que cortar distintas froitas (mazás, plátanos, piñas, melocotóns...) en anaquiños moi pequeniños para logo mesturalos con xugo.

A segunda actividade consistiu en facer queixo fresco. É moi doado de facer e só hai que utilizar tres ingredientes!

Antes de xantar puidemos coñecer aos animaliños que hai na granxa: un burro, un porco, varias ovellas e cabras, coelliños e dúas vacas enoooormes. Aprendimos moitas cousas sobre eles, por exemplo que o burro é un dos animais máis intelixentes e o porco un dos máis limpos. Tamén puidemos acariciar ás ovellas, pois encántanlles as caricias!

Despois de xantar aprendimos como é o proceso para extraer a la das ovellas e fixemos unha "gymkana" pola granxa buscando pistas.

Se queredes ver fotos de todo o que fixemos facede click na imaxe.

QUE BEN O PASAMOS!

Unha viaxe polo mundo…

Mirade o resultado do enorme traballado realizado durante o curso dentro do proxecto do centro: a interculturalidade.

No primeiro trimestre investigamos sobre os países dos nenos e nenas da clase, coa finalidade de coñecernos un poquiño máis. Primeiro, os ubicamos no mapa do mundo e no continente correspondente, e aprendimos os nomes dos continentes grazas a esta canción. 

A partir do segundo trimestre centrámonos nun dos continentes. Ao primeiro ciclo tocounos Europa e, por este motivo, afondamos un pouquiño máis nos países previamente traballados ubicados neste continente. Buscamos información sobre flores, animais e comidas, e os recreamos con diferentes técnicas artísticas. 

SOMOS GRANDES ARTISTAS!  

Xornada de convivencia

Hoxe desfrutamos dunha xornada de convivencia como actividade final do proxecto que estamos a desenvolver no presente curso: SADABONA.

Desfilamos polo paseo marítimo de Sada para lucir os nosos preciosos disfraces do traxe típico de Ucrania, xogamos a moitos xogos diferentes, merendamos, bailamos e cantamos. Foi un día xenial en familia!

Podedes ver as fotografías facendo click na imaxe.

Grazas a todos e a todas por participar!