VISITA A CORREOS

Hoxe visitamos a oficina de Correos de Sada e aprendimos un montón de cousas sobre como chegan as cartas aos seus destinatarios. 

Primeiro, saímos do cole camiñando ata o buzón amarelo de Correos, no que botamos unhas cartas moooooi especiais (o que levaban dentro é unha sorpresa...). Despois, ensináronnos como era o buzón por dentro e metimos todas as cartas nunha das mochilas que levaban os carteiros.

A continuación, fumos á oficina de Correos para poñerlle o cuño a todas as cartas e explicáronnos como se clasificaban dependendo da dirección.

FOI UNHA EXPERIENCIA XENIAL!

Facede click na imaxe para ver máis fotos

Día Internacional contra a Violencia de Xénero.

Mañá, 25 de novembro, conmemórase o Día Internacional contra a Violencia de Xénero. No cole fixemos este mural e cantamos a canción "ni una más" de Aitana.

BINGO!

O Bingo é un xogo que nos encanta. Precisa de moita atención para riscar ben os números que saen e non esquecer ningún. Hoxe o utilizamos para practicar os números.

Shhhh...

Coas letras aprendidas ata agora xa podemos formar palabras como "pila", "pupila" ou "amapola". Hoxe engadimos unha letra máis á nosa colección...

A LETRA S!

Unha letra que soa coma o son dunha serpe ou dun globo que se desincha. Pero tamén é o son que facemos cando poñemos o dedo diante da boca para pedir silencio: shhhh...

COMPRENDEMOS A DECENA

Os materiais manipulativos resultan moi útiles nestas idadaes. Sobre todo, cando temos que aprender conceptos un pouco abstractos, como é o caso das decenas e das unidades.

Por iso, para entender mellor que é unha decena, utilizamos os bloques para facer agrupacións de 10 pezas. E que ocorre cando temos pezas de máis e non as podemos agrupar noutro grupo de 10? Pois que son unidades!

UN GRAN EQUIPO!

Traballar en equipo é moi beneficioso. Ademais de ser moi divertido, implica respectar as quendas, axudarnos mutuamente, argumentar diferentes puntos de vista...

Nestas imaxes estamos practicando as letras en pequenos grupos, a través de xogos de tarxetas nos que temos que asociar diferentes debuxos coas letras coas que comezan.

AS NENAS E OS NENOS DE 1º FORMAMOS UN GRAN EQUIPO!

MANS ARRIBA!

"Mans arriba!" é un xogo que facemos ás veces para repasar. Queredes saber en que consiste?

A profe di números, sumas, restas, letras, sílabas... e nós escribimos nas nosas pizarras usando rotuladores que nos permiten borrar e escribir as veces que o precisemos. Cando a profe di "mans arriba!", levantamos as pizarras e ensinamos as nosas respostas.